• Prestakuntza akademikoa: Unibertsitateko goi mailako tituludunak edo gradudunak eta diplomadun edo ingeniari teknikoak.
  
• Esperientzia: Kontuan hartuko da ekintza humanitarioko edo gizarte boluntario laneko erakundeetan, gobernuko erakundeetan, gobernu artekoetan eta/edo gobernuz kanpokoetan izandako esperientzia eta prestakuntza praktikoa, baita motibazio pertsonala ere.
  
• Hizkuntzak jakitea: Espainiera eta ingelesa ondo jakitea. Masterraren bigarren seihilekoa Université Aix-Marseille-n egin nahi duten ikasleek frantsesa ere ondo jakin beharko dute.Ingeleseko C1 maila (Europako Erreferentzi Marko Bateratuaren arabera), hizkuntza hori jakitea ezinbesteko baldintza baita prestakuntza prozesuan. Horrez gain, programaren atal bat egingo den herrialdeetako hizkuntzetako C1 maila eskatuko da. Hizkuntza baten ezagutza ziurtatzeko zailtasunak daudenean, eskakizuna programako arduradunekin egindako aurrez aurreko elkarrizketa edo telefono bidezko elkarrizketa bidez konprobatuko da.
  
  

Onarpen-eskaera betetzea

Onarpen eskaera linean egiten da, NOHA sareko web orrian. Lineako inprimakia bete behar da.

Hautatuak izan ondoren, Deustuko Unibertsitatea ikasleekin harremanetan jarriko da, onarpena formalizatu eta matrikula egiteko.
 

Ohiko eskaera egiteko epea

• Eskaera egiteko ohiko epea NOHA sarearen bidez
  Uztailaren 22ra arte
• Eskaera egiteko ezohiko epea 
  Jarri harremanetan Giza Eskubideen Institutuarekin: noha@deusto.es
   

Eskaeran, hautagaiek aukeratzen dute zein unibertsitatetan hasi nahi dituzten masterreko lehenengo seihileko ikasketak. Hautagaiak aukeratutako unibertsitateak ebaluatzen du eskaera, Europako zortzi unibertsitate-sareak adostutako irizpideak erabilita. Hauek dira adostutako irizpideak:

• aitortutako unibertsitate batek emandako lizentziatura edo gradua izatea, ekintza humanitariorako garrantzizko diziplina batean
• ikasketa espedientea
• potentzial akademikoa
• ekintza humanitarioan esperientzia izatea
• lan esperientzia izatea
• atzerrian lan egin edo ikasi izana
• programa egiteko motibazioa
• beste hizkuntza batzuk jakitea

Masterrean onartua izan ondoren, eta onarpen gutunarekin batera, matrikula egiteko prozesuari buruzko informazioa jasoko du ikasleak: matrikula egiteko epea eta ordutegia, eta erantsi beharreko dokumentuak. Jakintzagaien, ikasgiden, aurrez aurreko tutoretzako ordutegien, lineako tutoretzako prozeduren, unibertsitatean eskura dituen baliabide eta espazioen, eta klaseen urteko egutegiaren eta aurreikusitako ebaluazio-aldiaren inguruko informazioa ere jasoko dute.