2018an beteko dira hogeita hamar urte Aisiazko Ikaskuntzen Institutua sortu zenetik. Hori dela eta, Aisia eta Jakintzako Grupo Santander Katedraren esparruan, aurtengo OcioGune Foroaren edizioak tokia egin nahi dio aisia giza esperientzia eta giza eskubide izatearen alde hiru hamarkadatan egindako lanari.

Aisia eta Jakintzako Katedraren helburuetariko bat da Aisiazko Ikaskuntzen Institutuak ikerketa sare espezializatuak sortzea eta horietan parte hartzea. Banco Santanderren laguntzari esker lortu ahal izan den babes horren bitartez, Institutuak lideratzen dituen bi sare sendotu ahal izan dira: OTIUM, Iberoamerikako Aisiazko Ikaskuntzetako Elkartea, eta OcioGune sarea; eta Institutua partaide den sare ugarirekin harremanak sendotzea lortu da.